General

త్రిపుర కన్స్ట్రక్షన్స్‌కు టీజీ రెరా ఆదేశాలు: రూ.41.85 లక్షలు రీఫండ్

త్రిపుర కన్స్ట్రక్షన్స్‌కు టీజీ రెరా ఆదేశాలు: రూ.41.85 లక్షలు రీఫండ్

అనుమతులు లేకుండా నిర్మాణం చేపట్టకుండా, కొనుగోలుదారుల నుంచి భారీగా డబ్బులు వసూలు చేస్తే చర్యలు తప్పవని టీజీ రెరా స్పష్టం చేసింది. త్రిపుర కన్స్ట్రక్షన్స్ సంస్థకు రూ.41.85 లక్షలు వడ్డీతో సహా తిరిగి చెల్లించాలని ఆదేశించింది.

త్రిపుర క‌న్‌స్ట్ర‌క్ష‌న్స్ అవసరమైన ప్రభుత్వ అనుమతులు పొందకపోవడం, నిర్మాణ పనులు ప్రారంభించకపోవడం, నిర్ణీత సమయంలో ఫ్లాట్‌ను అప్పగించకపోవడంపై టీజీ రెరా ఈ నిర్ణయం తీసుకుంది.

సంస్థ ఇప్పటికే గృహ కొనుగోలుదారుడి నుంచి గణనీయమైన మొత్తాన్ని వసూలు చేసింది. అయినప్పటికీ ప్రాజెక్టు పనులు ముందుకు సాగకపోవడంతో బాధితుడు రేరాను ఆశ్రయించారు. ఫిర్యాదును పరిశీలించిన టీజీ రెరా, కొనుగోలుదారుడికి రూ.41.85 లక్షలను వర్తించే వడ్డీతో సహా తిరిగి చెల్లించాలని సంస్థను ఆదేశించింది.

టీజీ రెరా జారీ చేసిన ఈ ఆదేశాలను పాటించకపోతే రెరా చట్టంలోని సెక్షన్ 63 ప్రకారం జరిమానాలు విధిస్తామని సంస్థలను హెచ్చరించింది. రియల్ ఎస్టేట్ ప్రాజెక్టుల్లో కొనుగోలుదారుల హక్కులను కాపాడేందుకు నిబంధనలను కచ్చితంగా అమలు చేస్తామని స్పష్టం చేసింది.

  • త్రిపుర కన్స్ట్రక్షన్స్‌కు టీజీ రెరా షాక్
  • కొనుగోలుదారుడికి రూ.41.85 లక్షలు రీఫండ్
  • అనుమతులు లేకుండా ప్రాజెక్టు.. సంస్థపై చర్యలు

ఇదీ చదవండి: ఏఎస్‌బీఎల్ కొత్త ప్రాజెక్టా.. నాణ్య‌త‌గా క‌డ‌తారా.. గ్యారెంటీ ఏమిటీ?